በፕላስቲኮች ተቀድቶ በሕገ-ወጥ መንገድ ሲጓጓዝ የነበረ ነዳጅ በቁጥጥር ስር ዋለ

በፕላስቲኮች ተቀድቶ በሕገ-ወጥ መንገድ ሲጓጓዝ የነበረ ነዳጅ በቁጥጥር ስር ዋለ

በአማራ ክልል በማዕከላዊ ጎንደር ዞን በጣቁሳ ወረዳ በሕገ-ወጥ መንገድ ሲጓጓዝ የነበረ “1,232 ሊትር” ቤንዚን በቁጥጥር ስር ማዋሉን የወረዳው ፖሊስ አስታውቋል።

የወረዳው ፖሊስ ጽሕፈት ቤት ኃላፊ ረዳት ኢንስፔክተር ጌታነህ ተካ እንደገለጹት፣ ነዳጁ በቁጥጥር ስር ሊውል የቻለው የአካባቢው ነዋሪዎች ስለ ሕገ-ወጥ እንቅስቃሴው ለፖሊስ በሰጡት ጥቆማ መሠረት ነው።

ከመግለጫው ጋር ተያይዘው የወጡት ምስሎች በመቶዎች የሚቆጠሩ ትናንሽ የውኃ መያዣ ፕላስቲኮች በቤንዚን ተሞልተው ያሳያሉ።

ይህም በገጠር የኢትዮጵያ ክፍሎች ነዳጅን በትናንሽ እና በቀላሉ ሊንቀሳቀሱ በሚችሉ ዕቃዎች በመቅዳት መደበኛ ባልሆኑ ገበያዎች ውስጥ ለሽያጭ የማቅረብ ልምድ መኖሩን ያመለክታል።






#afromekina