ሹፌር አልባው ታክሲ በዱባይ
ዱባይ በአርቴፊሻል ኢንተለጀንስ የታገዘውንና ያለ ሰው ረዳት የሚንቀሳቀሰውን RT6 ታክሲ በይፋ ስራ አስጀመረች።
የዱባዩ አልጋ ወራሽ፣ ምክትል ጠቅላይ ሚኒስትር እና የመከላከያ ሚኒስትር ሼክ ሃምዳን ቢን መሐመድ ቢን ረሺድ አል ማክቱም የዚህን ዘመናዊ የትራንስፖርት አገልግሎት የጅማሮ ምዕራፍ በይፋ መርቀዋል። ሼክ ሃምዳን በዚሁ ሹፌር አልባ ታክሲ ተሳፍረው በመዲናት ጁመይራ ወደሚካሄደው የዓለም መንግስታት ጉባኤ (World Government Summit) በማምራት፣ ቴክኖሎጂው በተጨናነቀ የከተማ ትራፊክ ውስጥ በብቃት መስራት እንደሚችል ለዓለም አሳይተዋል።
ይህ ስኬት እ.ኤ.አ. በ2026 የመጀመሪያ ሩብ ዓመት ውስጥ አገልግሎቱ ለሕዝብ በይፋ እንዲከፈት መንገድ ጠርጓል።
የRT6 ታክሲ ልዩ ባህሪያት
በጉዞው ወቅት ሼክ ሃምዳን ስለ ተሽከርካሪው የክወና ስርዓት ገለፃ ተደርጎላቸዋል። በባይዱ አፖሎ ጎ (Baidu Apollo Go) የተሰራው ይህ ስድስተኛ ትውልድ ታክሲ የሚከተሉትን ቴክኖሎጂዎች አካትቷል፦
• አርቴፊሻል ኢንተለጀንስ (AI): ራሱን ችሎ ውሳኔ የመስጠትና ደህንነቱ የተጠበቀ ጉዞ የማድረግ ችሎታ።
• ከ40 በላይ ሴንሰሮች: ከፍተኛ ጥራት ያላቸው LiDAR፣ ባለብዙ ባንድ ራዳሮች እና ካሜራዎች ተገጥመውለታል።
• አካባቢን የመረዳት ብቃት: በዙሪያው ያለውን እንቅስቃሴ በትክክል በመለየት ከትራፊክ ሁኔታዎች ጋር ራሱን ያስማማል።
• ሕጋዊ ተገዢነት: ሁሉንም የትራንስፖርት ደህንነት መስፈርቶች እና የትራፊክ ደንቦች በጥብቅ እንዲያከብር ተደርጎ የተገነባ ነው።
#afromekina