በውሃ ላይ የሚያርፉ አውሮፕላኖች ወደ ሀገር ውስጥ ሊገቡ ነው 10/4/2018

በውሃ ላይ የሚያርፉ አውሮፕላኖች ወደ ሀገር ውስጥ ሊገቡ ነው

የኢትዮጵያ አየር መንገድ ለቱሪዝም አገልግሎት የሚውሉና በውሃ ላይ ማረፍ የሚችሉ አውሮፕላኖችን በቀጣይ ጥቂት ወራት ወደ ሀገር ውስጥ ሊያስገባ መሆኑን አስታወቀ።

የኢትዮጵያ አየር መንገድ ዋና ሥራ አስፈፃሚ መስፍን ጣሰው ለጋዜጣ ፕላስ እንደገለፁት፤ አየር መንገዱ የቱሪዝም ዘርፉን ለማሳደግና በቂ የአውሮፕላን ማረፊያ በሌላቸው የቱሪስት መዳረሻዎች አገልግሎት ለመስጠት የሚያስችሉ በውሃ ላይ የሚያርፉ አውሮፕላኖችን በቅርቡ ወደ ሀገር ውስጥ ያስገባል።

አውሮፕላኖቹ በመጋቢትና ሰኔ ወራት ወደ ሀገር ውስጥ እንደሚገቡና የሙከራ አገልግሎት እንደሚጀምሩም ገልጸዋል።

እነዚህ አውሮፕላኖች በውሃም ሆነ በመሬት ላይ ማረፍ የሚችሉ መሆናቸውን የገለጹት ዋና ሥራ አስፈፃሚው፤ በቅርቡ የሚጀመረው የሙከራ አገልግሎት ስኬታማ ከሆነ ተጨማሪ አውሮፕላኖች እንደሚታዘዙ አስረድተዋል።

ይህም ወደ ቱሪዝም መዳረሻዎች በአውሮፕላን ለመጓዝ ለሚፈልጉ መንገደኞች ትልቅ አማራጭ እንደሚፈጥር ጠቁመዋል።



#afromekina